“Liverpul”un hücumçusu Luis Dias İngiltərə klubunu tərk edə bilər.
Publika.az xəbər verir ki, bu barədə "Mundo Deportivo" məlumat yayıb.
“Barselona” rəhbərliyi kolumbiyalı futbolçunu hücum xəttini gücləndirmək üçün əsas namizəd hesab edir. Dias özü də bu keçiddə maraqlıdır, çünki uşaq yaşlarından Kataloniya klubunda oynamaq arzusunda olub.
Mənbənin məlumatına əsasən, Dias “Liverpul”da kifayət qədər dəyər görmədiyini düşünür. O, hazırda müqavilənin uzadılması ilə bağlı danışıqları dayandırıb. Futbolçunun yaxın ətrafı hesab edir ki, Florian Virtsin transferi “Liverpul”u kolumbiyalı vingerin satışına daha açıq edə bilər, bu da klubun böyük xərclərinin bir hissəsini kompensasiya etməsinə imkan verəcək.
