Bakı, 13 iyun, AZƏRTAC
Azərbaycanın voleybol yığmaları bu gün növbəti oyunlarına çıxacaqlar.
AZƏRTAC xəbər verir ki, qadınlardan ibarət milli Qızıl Avropa Liqasında Xorvatiya ilə qarşılaşacaq.
Zadar şəhərində keçiriləcək matç Bakı vaxtı ilə saat 18:30-da start götürəcək. Komanda daha əvvəl Macarıstan, Sloveniya və Slovakiyaya 0:3, Monteneqroya 1:3 hesabı ilə məğlub olub.
Kişilərdən ibarət yığma isə Gümüş Avropa Liqasında Lüksemburqu sınağa çəkəcək. Gənclər və İdman Nazirliyinin Voleybol Mərkəzində baş tutacaq görüş saat 18:00-da başlayacaq. Daha öncə İsveçə 0:3 hesabı ilə uduzan milli Gürcüstan seçməsini üstələyib – 3:0.
