Masallıda avtomobil piyadanı vuraraq öldürüb.
“Report”un Cənub bürosunun məlumatına görə hadisə Ələt-Astara magistralının Masallı rayonu ərazisində baş verib.
Belə ki, Lerik rayonunun Pirasora kənd sakini 1959-cu il təvəllüdlü Teyyub Balağa oğlu Bağırov idarə etdiyi "Nissan" markalı avtomobillə yolu keçən piyadanı vurub.
Piyada hadisə yerində ölüb. Hazırda piyadanın kimliyi öyrənilir.
Faktla bağlı araşdırma aparılır.
