Mossadın İranın mərkəzində həyata keçirilən xüsusi əməliyyatlara dair yeni videoları yayılıb.
Musavat.com xəbər verir ki, paylaşılan kadrlarda İsrailin İranda dəqiq zərbə imkanlarına malik sistemlər yerləşdirdiyi və bu sistemlərin İranın hava hücumundan müdafiə qurğularını hədəfə aldığı göstərilir.
Mənbələrin verdiyi xəbərə görə, bu görüntülər İsrail kəşfiyyatı tərəfindən əldə olunub və təşkilatın İran ərazisindəki fəaliyyət miqyasını nümayiş etdirir. Kadrlarda həmçinin, Tehranın ətrafında yerləşən "yer-yer" tipli raketlərin və onların buraxılış platformalarının pilotsuz uçuş aparatları vasitəsilə məhv edildiyi anlar əks olunub.
Görüntülər İsrailin İrandakı strateji hədəflərə qarşı yeni texnologiyalardan istifadə edərək əməliyyatlar keçirdiyini göstərir.
Musavat.com
