AZ
Mövzular
Dünya
13.06.2025 ◦ 15:07

"Həmin veriliş məhkəməyə verilməlidir" — AÇIQLAMA

"Kadrlarda xəyanət ehtiva edən görüntülər yox idi. Mənəviyyatı, əxlaqı ayaqlar altına ataraq şou yaratmağa çalışan aparıcı efirdə məsələni xəyanət kimi təqdim etdi. İnsanların özünün analiz qabiliyyəti olmalıdır ki, nə izləyiblər və görüntülərdən hansı nəticəni çıxarmaq olar".

Bu sözləri Demokrat.az-a açıqlamasında sosioloq Lalə Mehralı deyib.

"Görüntülərdə məhrəm və intim heç nə yox idi. Birlikdə telefona baxan hər adam arasında məhrəm münasibət varsa, o halda hamı yoldaşına xəyanət edir. İnsanlar sadəcə təqdimata diqqət edirlər. Ofeliya Şabanova çox səhv hərəkət etdi və yoldaşını efirdə müdafiə etmədi. İkinci dəfə efirə çıxıb, yoldaşından üzr istəməkdənsə, efiri məhkəməyə vermək lazım idi. Çünki efirdə insan həyatının toxunulmazlığına xələl gətirilib. Bu da birbaşa cinayət məsuliyyətidir. Telekanal və veriliş məsuliyyət daşıyır. Ofeliya Şabanova efiri məhkəməyə verməli, veriliş cəzalandırılmalı idi".

Qeyd edək ki, bir neçə gün öncə verilişlərdən birində müğənni Ofeliya Şabanovaya ərinin ona xəyanət etməsini iddia edən videogörüntülər təqdim edilmişdi. 


Əfsanə Kamal
Demokrat.az
Seçilən
239
39
demokrat.az

10Mənbələr