Futbolda həyəcan FIFA klublararası dünya çempionatı ilə davam edəcək. İlk dəfə 32 komandalı formatda keçiriləcək turnirin ən titullu komandası isə İspaniyanın nəhəngi “Real Madrid”dir.
FIFA klublararası dünya çempionatını 5 dəfə qazanan “Real Madrid” turnirin ən uğurlu komandası kimi seçilir.
90deqiqe.Az-ın məlumatına görə, İspaniya təmsilçisi iştirak etdiyi bütün final qarşılaşmalarını qələbə ilə başa vuraraq kuboku muzeyinə aparıb.
“Real Madrid” titulunu 2014, 2016, 2017, 2018 və 2022-ci illərdə qazanıb. Klub ilk dəfə 2000-ci ildə keçirilən turnirdə iştirak etsə də, uğurlarını sonrakı illərdə əldə edib.
Kral klubu 2025-ci ildə ABŞ-da təşkil olunacaq yeni formatlı, 32 komandadan ibarət FIFA klublararası dünya çempionatında 6-cı dəfə çempionluq hədəfləyir. Baş məşqçi postuna Xabi Alonsonun gətirildiyi Madrid təmsilçisi, uğursuz keçən mövsümün ardından yeni tarix yazmaq niyyətindədir.
“Real Madrid” final oynadığı illərdə San Lorenzo (2:0), Kashima Antlers (4:2, əlavə vaxtda), Gremio (1:0), Al Ain (4:1) və Al Hilal (5:3) komandalarını məğlub edərək titul qazanıb.
2025-ci ilin iyunun 15-dən iyulun 13-dək keçiriləcək turnirdə “Real Madrid” H qrupunda Avstriyanın “Zalsburq”, Səudiyyə Ərəbistanının “Al Hilal” və Meksikanın “Paçuka” komandaları ilə mübarizə aparacaq.
