Yeni Azərbaycan Partiyası Kəlbəcər Rayon Təşkilatının və Gəncə şəhər Heydər Əliyev Mərkəzinin birgə təşkilatçılığı ilə 15 iyun - Milli Qurtuluş günü münasibətilə “15 İyun - Zəfərə doğru birlik” mövzusunda tədbir keçirilib.
Tədbir iştirakçıları ilk öncə Heydər Əliyev Mərkəzinin qarşısında ucalan Ümummilli Liderin heykəlini ziyarət edərək önünə gül dəstləri düzdülər.
Tədbirdə Yeni Azərbaycan Partiyası Kəlbəcər rayon təşkilatının sədri Həbib Misirov, Gəncə şəhər Heydər Əliyev Mərkəzinin direktoru İlknur İsgəndərova, Kəlbəcər rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri, Vətən müharibəsi iştirakçısı Tural Oruczadə, Kəlbəcər rayon Statistika İdarəsinin rəisi Ramil Salmanov, Kəlbəcər Su Meliorasiya Sistemlərinin İstismarı İdarəsinin rəisi Azər Xankişiyev, Kəlbəcər rayon Məşğulluq Mərkəzinin direktoru Hikmət Yusibov və partiya fəalları iştirak ediblər.
Tədbir iştirakçıları Ulu Öndər Heydər Əliyevin və Azərbaycanın ərazi bütövlüyü uğrunda canından keçmiş Şəhidlərin əziz xatirəsini bir dəqiqəlik sükutla yad etdilər.
Mərkəzin əməkdaşı tədbir iştirakçılarına Ulu Öndərin həyat və fəaliyyətinin müxtəlif dövrlərini əhatə edən foto-stendlər, şəxsi əşyalar haqqında, Ulu Öndər Heydər Əliyevin və Azərbaycan Respublikasının Prezidenti İlham Əliyevin Gəncə şəhərinə tarixi səfərləri barədə ətraflı məlumat verdi.
Tədbirdə çıxış edənlər Yeni Azərbaycan Partiyası Kəlbəcər rayon təşkilatının sədri Həbib Misirov, Gəncə şəhər Heydər Əliyev Mərkəzinin direktoru İlknur İsgəndərova, Kəlbəcər Rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri, Vətən müharibəsi iştirakçısı Tural Oruczadə, Kəlbəcər rayon Statiskası İdarəsinin rəisi Ramil Salmanov, Kəlbəcər Su Meliorasiya Sistemlərinin İstismarı İdarəsinin rəisi Azər Xankişiyev qeyd ediblər ki, son illərdə Azərbaycan Ulu Öndər Heydər Əliyev ideyalarının işığında böyük inkişaf yolu keçib, ölkəmizin ərazi bütövlüyü bərpa edilib. Bugünkü Azərbaycan Ulu Öndərin görmək istədiyi azad, müstəqil, ərazi bütövlüyü təmin olunmuş qüdrətli ölkədir. Ulu Öndər Heydər Əliyevin ideyaları Azərbaycanı zirvədən-zirvəyə, qələbədən-qələbəyə aparmaqdadır. 1993-cü il iyunun 15-də başlayan Milli Qurtuluş yolu 2020-ci ilin noyabrın 8-də Azərbaycana öz tarixinin ən böyük Zəfərini yazmaq imkanı yaratdı. Məhz bu mənada əminliklə demək olar ki, Azərbaycan xalqı 8 noyabra gedən yolda ilk addımları məhz 1993-cü il iyunun 15-də atmışdı. Azərbaycan xalqının qurtuluşdan Zəfərə gedən yolu həm də Azərbaycan xalqının Zəfər tarixidir.
Bu gün xalqımız əmindir ki, müstəqil Azərbaycan Heydər Əliyev ideyaları işığında Prezident İlham Əliyevin rəhbərliyi ilə daha yüksək zirvələr fəth edəcək.
Elçin Salahov,
YAP Kəlbəcər rayon təşkilatının məsləhətçisi
