Kişi voleybolçulardan ibarət Azərbaycan milli komandası Avropa Gümüş Liqasında növbəti oyununu keçirib.
Teleqraf xəbər verir ki, Azərbaycan seçməsi Gənclər və İdman Nazirliyinin Voleybol Mərkəzində Lüksemburq voleybolçuları ilə üz-üzə gəlib.
Qarşılaşma qonaq komandanın 3:0 hesablı qələbəsi ilə yekunlaşıb.
Qeyd edək ki, Azərbaycan yığması növbəti oyununu iyunun 14-də Rumıniyaya qarşı keçirəcək.
