ain.az, Oxu.az portalına istinadən məlumat verir.
"İsrailin İrana qarşı hərbi əməliyyatı hələ 2024-cü ilin noyabrında planlaşdırılıb və aprelin sonunda baş tutmalı idi".
Oxu.Az xəbər verir ki, bu barədə İsrailin Baş naziri Benyamin Netanyahu bildirib.
"Əslində mən bu əmri müdafiə strukturlarının rəhbərliyinə noyabrın 24-də vermişəm. Bu, İranın nüvə proqramını faktiki olaraq aradan qaldırmaq əmridir", - o, İsrail Baş Nazirliyi Aparatının yaydığı videomüraciətdə bildirib.
Netanyahu əlavə edib ki, bu əməliyyata hazırlığa başlamaq qərarı İsrail ordusunun 2024-cü ilin sentyabrında "Hizbullah" partiyasının rəhbəri Həsən Nəsrullahı məhv etməsindən qısa müddət sonra verilib.
"İlkin olaraq İrana zərbələrin bu ilin aprel ayının sonunda başlaması planlaşdırılıb", - baş nazir qeyd edib.
Ən son xəbərləri və yenilikləri almaq üçün ain.az saytını izləyin.
