Macarıstanın baş naziri Viktor Orban Ukrayna prezidenti Volodimir Zelenskini nankorluqda və təkəbbürdə ittiham edib.
HİT.az xəbər verir ki, o, bunu "Kossuth" radiosunda deyib.
"Ukrayna Macarıstandan yardım alır, çünki biz dərhal insanları qəbul etməyə başladıq, onların burada işləməsinə icazə veririk, onlara iş veririk, uşaqlarını yedizdiririk, onlara təhsil veririk. Bundan sonra hörmətsizlikdən danışmaq çox şeydir. Zelenski bunu başa düşməlidir", deyə Orban bildirib.
Onun sözlərinə görə, Macarıstan Qərbi Avropa kimi Ukrayna qarşısında diz çökən ölkə deyil.
İyun ayında Macarıstanın baş naziri demişdi ki, Budapeşt Ukraynanın tələsik Avropa Birliyinə qəbul edilməsinin qarşısını almaq niyyətindədir və bu məsələdə digər ölkələrin köməyinə ümid edir. Bundan əvvəl o, Brüsselin hazırda Rusiya ilə mübarizəyə fokuslandığı fikrini ifadə edib. Onun sözlərinə görə, Aİ hesab edir ki, Rusiya Aİ ölkələrinə və hətta NATO-ya hücum edə bilər və yalnız qabaqlayıcı zərbə onu dayandıra bilər.
Samir
