...Yeni BMW elektrik avtomobilləri innovativ xüsusiyyətə malik olacaq - onlar avtomatik olaraq dönmə siqnallarını yandıracaqlar.
SİA xəbər verir ki, bu barədə Verge saytı məlumat yayıb. BMW-dən gələn avtomatik dönmə siqnalları yeni Neue Klasse ailəsinin elektrik avtomobillərində görünəcək. Bu funksiyanı ilk əldə edən X3 modelinin elektrik analoqu olan və bu ilin payızında Münhen avtosalonunda təqdim edilməsi planlaşdırılan BMW iX3 krossoveri olacaq.Texnologiya yenilənmiş elektron “köməkçilər” kompleksinin bir hissəsidir.
BMW iX3 elektromobili salonda sürücünün göz hərəkətlərinə nəzarət edən əlavə kamera ilə təchiz ediləcək. Arxa baxış güzgüsünə baxıb dönməyə və ya zolaqları dəyişməyə başlasa, dönmə siqnalı avtomatik olaraq yanacaq. Sürücü güzgüyə baxmadan manevr etmək istəsə, avtomobil müqavimət göstərəcək – zolaqda dönməkdən və ya zolaqları dəyişməkdən imtina edəcək..?
Yeni funksiya təkcə sürücülük təhlükəsizliyini artırmayacaq, həm də bir çox BMW sürücülərinin dönmə siqnallarını tez-tez yandıra bilmədiyi ümumi stereotiplə mübarizə aparacaq. Bu mövzuya həsr olunmuş çoxlu zarafatlar və internet memları var.
Əli Babayev
