14 iyun 2025-ci ildə tanınmış amerikalı televiziya aparıcısı və siyasi şərhçi Taker Karlson ABŞ prezidenti Donald Trampı İsrail və İran arasında münaqişənin qızışdırmaqda ittiham edib. Karlson ABŞ-ın nəinki İrana endirilən zərbələrdən xəbərdar olduğunu, həttaİsrailə onların həyata keçirilməsində fəal kömək etdiyini bildirib. "Ölkəmiz dərin problem içindədir... Geri çəkilib soruşduqda: Bunların hər hansı biri Birləşmiş Ştatlara necə kömək edir? Ağlabatan cavab yoxdur" deyə Karlson Trampı fəlakətli nəticələrə gətirib çıxara biləcək hadisələrin iştirakçısı adlandırıb.
Uzun müddət MAGA hərəkatında əsas fiqur hesab edilən və Trampın tərəfdarı sayılan Karlson qeyd etdi ki, İsrailə dəstək, o cümlədən Trampın Truth Social-da öyündüyü silah satışı ABŞ-ı münaqişədə mərkəzi oyunçuya çevirir. O, bunu Trampın kampaniyasını qurduğu “Öncə Amerika” prinsiplərinə xəyanət adlandırıb. X-də yazan Karlson qeyd edib ki, “əsl parçalanma” İsrail və ya İran tərəfdarları arasında deyil, “şahinlər və sülhməramlılar” arasındadır.Karlsonun bu tənqidi ABŞ-da rezonans doğurdu və MAGA hərəkatını parçaladı. Podkaster Cek Posobeç X-də İranla münaqişəyə birbaşa müdaxilənin “Tramp koalisiyasını məhv edəcəyini” yazaraq seçicilərin Trampa yeni müharibələrdən qaçmaq üçün səs verdiyini xatırladıb.
Surxay Əliyev
