Azərbaycanın aparıcı şirkəti “AS Group” və Qazaxıstanın nüfuzlu tikinti şirkəti Bİ Group tərəfindən birgə həyata keçirilən premium yaşayış layihəsi “4You Baku”nun satış ofisi "Çıraq Plaza"da fəaliyyətə başlayıb.
"Çıraq Plaza" biznes mərkəzində yerləşən ofis, həm şəhərin mərkəzinə yaxın mövqeyi, həm də layihənin inşa edildiyi əraziyə birbaşa yaxınlığı ilə seçilir. Bu isə müştərilər üçün ərazi ilə yerində tanış olmağa və daha çevik qərar verməyə şərait yaradır.
Rəsmi açılış mərasimi məhz "Çıraq Plaza"da keçirilib və tədbirdə hər iki şirkətin rəhbər heyəti, media nümayəndələri, eləcə də tikinti və daşınmaz əmlak sektorunun müxtəlif mütəxəssisləri iştirak ediblər.
Tədbirin giriş hissəsində “AS Group” və “BI Group” nümayəndələri layihənin konsepsiyası, mərhələləri və təklif etdiyi üstünlüklər barədə təqdimatla çıxış etdilər. Daha sonra "Çıraq Plaza"dakı satış ofisinin rəmzi qırmızı lentinin kəsilməsi ilə açılış mərasimi rəsmiləşdirilib.
Qonaqlara hər iki şirkətin fəaliyyəti, layihə ilə bağlı təqdimatlar və interaktiv vizuallar təqdim edilib. Ziyarətçilər, "Çıraq Plaza"dakı ofisdə mənzil planları ilə tanış olmaq və ərazidə canlı görüntüləri izləmək imkanına sahib oldular.
Açılış tədbiri furşet, canlı musiqi və simvolik tort kəsimi ilə davam etdi. "Çıraq Plaza"dakı satış ofisinin müasir interyeri və rahat ab-havası tədbir iştirakçıları tərəfindən yüksək qiymətləndirildi.
“4 You Baku” yaşayış kompleksi müasir memarlıq, ağıllı ev texnologiyaları və komfortlu həyat tərzini birləşdirən, Bakı şəhərinin premium daşınmaz əmlak bazarına yeni nəfəs gətirəcək bir layihədir. Layihə haqqında ətraflı məlumat almaq və mənzil seçimləri ilə tanış olmaq üçün Çıraq Plaza, 1-ci mərtəbədə yerləşən satış ofisinə yaxınlaşa bilərsiniz.
1995-ci ildə əsası qoyulmuş “BI Group” indiyədək doqquz ölkədə layihələr həyata keçirmiş və 7 milyon kvadratmetrdən artıq yaşayış sahəsi inşa edərək, təxminən 500 min Qazaxıstan vətəndaşını mənzillə təmin etmişdir. Holdinq yaşayış, kommersiya və infrastruktur tikintisini, eləcə də sənaye layihələri və daşınmaz əmlakın idarə olunması sahələrini inkişaf etdirir. Hazırda şirkət Mərkəzi Asiya və Qafqaz ölkələrində, həmçinin ABŞ, Birləşmiş Ərəb Əmirlikləri və Səudiyyə Ərəbistanı Krallığında fəaliyyət göstərir.
“AS Group” 2003-cü ildən etibarən dövlət və özəl sektor üçün kompleks layihələrin icrasında öncül rol oynayır. Şirkət tikinti, daşınmaz əmlak, kənd təsərrüfatı, sənaye, nəqliyyat-logistika, bərpa olunan enerji və HoReCa sahələrində uğurla fəaliyyət göstərir. “AS Group” eyni zamanda, beynəlxalq layihələr vasitəsilə ölkəyə xarici investisiyaların cəlb olunmasında da mühüm töhfələr verir. Şirkət və onun layihələri haqqında daha ətraflı məlumat almaq üçün www.asgroup.az saytına daxil ola bilərsiniz.
