“Liverpul”un hücumçusu Federiko Kyeza “Napoli”yə keçə bilər.
90deqiqe.Az-ın məlumatına görə, Neapol təmsilçisi italiyalı futbolçunun agenti ilə ilkin danışıqlara başlayıb.
27 yaşlı futbolçunun özü də Mersisayd klubunda əsas heyətdə çox az oynadığı üçün karyerasını İtaliyada davam etdirmək istəyir.
Kyeza 2024-cü ilin yayında 12 milyon avroya “Liverpul”a transfer olunub. Ötən mövsüm Premyer Liqada 14 oyunda iştirak edən futbolçu 2 qol vurub, 2 məhsuldar ötürmə edib.
