İyunun 14-15-nə keçən gecə Mayamidə (ABŞ) futbol üzrə klublararası dünya çempionatına start verilib.
Sportinfo.az xəbər verir ki, yarışın açılış matçı “Hard Rok” stadionunda keçirilib.
A qrupunda yarışan “İnter Mayami” ilə “Əl-Əhli” (Misir) üz-üzə gəlib. Matç 0:0 hesablı qolsuz heç-heçə ilə başa çatıb.
Növbəti turda “İnter Mayami” “Portu” (Potuqaliya) ilə, “Əl-Əhli” isə “Palmeyras”la (Braziliya) qarşılaşacaq.
Bu gün çempionat daha iki oyunla davam etdiriləcək.
C qrupu
20:00. “Bavariya” (Almaniya) - “Oklend Siti” (Yeni Zelandiya)
B qrupu
23:00. PSJ (Fransa) - “Atletiko” (Madrid, İspaniya)
Dünya çempionatı 32 klubun iştirakı ilə keçirilir. Yarışın mükafat fondu 1 milyard dollardan çoxdur.
Turnirin final oyunu iyulun 13-də olacaq.
