BAKI, 16 iyun. TELEQRAF
COP29 Sədrliyi iyunun 16-dan 26-dək keçirilməsi planlaşdırılan Birləşmiş Millətlər Təşkilatının İqlim Dəyişikliyi üzrə Çərçivə Konvensiyasına (UNFCCC) uyğun olaraq Törəmə Qurumların 62-ci sessiyasında iştirak etmək üçün Almaniyanın Bonn şəhərində səfərdədir.
Teleqraf xəbər verir ki, bu barədə COP29-un "X" səhifəsi məlumat yayıb.
Qeyd olunub ki, bu səfərdə iştirak Azərbaycanın qlobal iqlim danışıqlarında və çoxtərəfli ekoloji diplomatiyada fəal iştiraka sadiqliyini vurğulayır:
"Hazırkı Sədrlik kimi, COP29 çoxtərəfli prosesdə davamlılığı, inklüzivliyi və fəaliyyəti təmin etməyə sadiq qalır", - məlumatda qeyd olunub.
