YUBİLYAR İLHAMƏ MƏHƏMMƏDQIZININ YENİ KİTABI TƏQDİM EDİLDİ

Ä°stedadlı şair, tanınmış jurnalist, publisist Ä°lhamə Məhəmmədqızının 55 illik yubileyi münasibətilə işıq üzü görən “Xoşbəxtəm varlığımla, yaradıcılığımla” adlı yeni kitabı oxuculara təqdim olundu. 

Azərbaycan Yazıçılar Birliyi Sumqayıt bölməsinin və Azərbaycan Jurnalistlər Birliyi Sumqayıt təşkilatının təşkilatçılığı ilə keçirilən tədbirdə vətənin bütövlüyü uğrunda canını fəda edən şəhidlərin əziz xatirəsi bir dəqiqəlik sükutla yad edildi və dövlət himni səsləndirildi. 

Əməkdar artist Cəlal Məmmədov tədbiri açıq elan edərək iştirakçılara Ä°lhamə Məhəmmədqızının media və ədəbi fəaliyyəti, yeni çapdan çıxan kitabı haqqında geniş məlumat verərək şeirlərindən səsləndirdi. 

Təqdimat mərasimində iştirak edən Sumqayıt Şəhər Ä°cra Hakimiyyətinin məsul işçisi Fərman Kazımov çıxış edərək son dövrdə şəhərin mədəniyyət və incəsənət sahəsindəki inkişafından danışdı, yubilyara şəhər rəhbərliyinin təbriklərini çatdırdı. Ä°lhamə Məhəmmədqızının indiyədək həm jurnalist, həm də şair kimi bu sahəyə verdiyi töhfələrini alqışladı və  ictimai həyatda fəal iştirakına görə Şəhər Ä°cra Hakimiyyətinin başçısı Zakir Fərəcovun Sərəncamı ilə təltif olunduğu Fəxri Fərmanı ona təqdim etdi.

Görkəmli simalardan Prezidentin fərdi təqaüdçüsü, Əməkdar müəllim Ofelya Babayeva, kimya elmləri doktoru, professor Teymur Ä°lyaslı, Azərbaycan Yazıçılar Birliyi Sumqayıt bölməsinin sədri Gülnarə Cəmaləddin, Sumqayıt Poeziya klubunun direktoru Ä°brahim Ä°lyaslı, “Dostlar” klubunun təsisçisi, həkim, yazıçı Hümbət Quliyev, “Sumqayıt” qəzetinin baş redaktoru Sübhan Quliyev, şəhər Ağsaqqallar Şurasının sədri Təbrik Quliyev, Əməkdar müəllim Zakir Əliyev, tanınmış şair və yazıçılardan Ağalar Ä°drisoğlu, Namiq Dəlidağlı, Qafqaz Əvəzoğlu, Lilpar Cəmşidqızı, Elbrus Qayalı, Rəna Təbəssüm, Ədalət Əroğlu və başqaları yubilyarla bağlı xatirələrindən danışdı və ürək sözlərini söyləyib uğurlar dilədilər.

Təqdimat mərasimində qeyd edildi ki, Ä°lhamə Məhəmmədqızının indiyədək oxucuların rəğbətini qazanan “Xatırla məni”, “Dərdə açma qapını”, “Möcüzə işığında”, “Söz dünyam”, “Ömrün naxışları”, “Var olsun yaxşılar, yaxşılıqlar”, “Bəs kimə deyim”, “Zirvəyə doğru”, “Hikmət dünyası” kitablarında qələmə aldıqları mənalı ömrünün könül dünyası, qəlbinin güzgüsüdür. Həyatının 55 ili arxada qalan müəllifin “Xoşbəxtəm varlığımla, yaradıcılığımla” adlı yeni kitabının da izləyiciləri tərəfindən maraqla qarşılanacağı bildirildi. 

Xanəndə Firudin Ağayev, gənc müğənnilərdən Vüsalə Məmmədova, Səbinə Əliyeva və Emil Abdullayevin ifasındakı musiqi nömrələri, rəqslər Sumqayıt şəhərində keçirilən möhtəşəm tədbirə xüsusi rövnəq verərək iştirakçılara yaddaqalan bir gün yaşatdı. Sonda xatirə şəkilləri çəkildi.   

RƏNA TƏBƏSSÜM,
jurnalist, yazıçı, publisist