“Əl-Hilal” “Napoli”nin hücumçusu Viktor Osimhenə yeni təklif göndərib.
İdmanxeber.az-ın məlumatına görə, Səudiyyə klubu futbolçuya ildə 50 milyon avro ödəməyə hazırdır. Daha əvvəl 26 yaşlı futbolçu “Əl-Hilal”ın 30 milyon avroluq təklifini rədd etmişdi. Səudiyyə klubu Osimhen üçün “Napoli”yə 75 milyon avro təzminat ödəyəcək.
2024/25 mövsümündə Osimhen “Qalatasaray”da icarə əsasında çıxış edib. Forvard bütün yarışlarda 41 matçda 37 qol vurub və 8 məhsuldar ötürmə edib.
