Bərdədə iki minik avtomobili toqquşub, 4 nəfər xəsarət alıb.
“Qafqazinfo”nun xəbərinə görə, yol-nəqliyyat hadisəsi Bərdə-Tərtər yolunda baş verib.
Belə ki, hərəkətdə olan “KİA” markalı avtomobillə “Mercedes” markalı minik maşını toqquşub.
Nəticədə zərbənin təsirindən hər iki avtomobil yoldan çıxıb.
Xəsarət alan şəxslər Bərdə Diaqnostika Mərkəzinə çatdırılıb.
Faktla bağlı araşdırma aparılır.
Ziya Əmirxanlı
***
TƏBİB-dən sorğumuza cavab olaraq bildirilib ki, 16.06.2025-ci il tarixində saat 11:20 radələrində yol-nəqliyyat hadisəsi ilə əlaqədar 4 nəfər (kişi cinsli) Bərdə Rayon Mərkəzi Xəstəxanasının Təcili tibbi yardım şöbəsinə hospitalizasiya olunub:
“Müxtəlif növ bədən xəsarətləri alan şəxslərə zəruri tibbi xidmətlər göstərilib. Hazırda müalicələri müvafiq şöbələrdə davam etdirilən şəxslərdən 3-nün vəziyyəti stabil, 1-nin vəziyyəti isə ağır qiymətləndirilir”.
