“Mançester Siti”nin dayaq yarımmüdafiəçisi Maksimo Perronenin karyerasını İtaliyada davam etdirmə ehtimalı yüksək olaraq qalır.
90deqiqe.Az-ın məlumatına görə, “Komo” klubu argentinalı futbolçunun birdəfəlik transferi ilə bağlı danışıqlar aparır. Lakin, tərəflər arasında hələlik daimi transfer üzrə yekun razılıq əldə olunmayıb.
Buna baxmayaraq, “Komo”nun 22 yaşlı oyunçunun icarə müddətini uzatmaq imkanı mövcuddur ki, bu da Perronenin İtaliya klubundakı gələcəyinə dair narahatlıqları azaldır.
Qeyd edək ki, Perrone “Komo”ya 2024-cü ilin yayında icarə əsasında qoşulmuşdu. O, ötən mövsüm Premyer Liqada 26 oyunda meydana çıxıb, üç məhsuldar ötürmə ilə yadda qalıb. Transfermarkt portalının məlumatına əsasən, yarımmüdafiəçinin dəyəri 9 milyon avrodur.
