Tarixdə ilk dəfə yeni formatda keçirilən klublararası dünya çempionatında daha 2 matç baş tutub.
Offsideplus.az xəbər verir ki, 32 komandanın 8 qrupda mübarizə apardığı yarışda "Boka Xunior"la "Benfika" "sülh" bağlayıb.
Braziliya təmsilçisi "Flamenqo" isə Tunisin "Esperanse" klubunu asanlıqla üstələyib. Bu görüşdə "Qarabağ"ın keçmiş hücumçusu, bu ilin yanvarında "Flamenqo"ya transfer olunan Juninyo ehtiyatda qalıb.
Qeyd edək ki, dünya çempionatı iyulun 13-dək davam edəcək.
C qrupu
"Boka Xuniors" (Argentina) - "Benfika" (Portuqaliya) 2:2
Migel Metentil, 21; Rodriqo Battilya, 27 - Anxel di Mariya, 45+3 (pen.); Nikolas Otamendi, 84
Qırmızı vərəqələr: Fiqal, 88 - Belotti, 72
D qrupu
"Flamenqo" (Braziliya) - "Esperanse" (Tunis) 2:0
Giorgian dü Arrascaeta, 17; Luis Arauxo, 70
