ABŞ Senatının çoxluğunun lideri Con Tun deyib ki, İsrail və İran arasında münaqişənin diplomatik yollarla həlli cəhdləri uğursuz olarsa, vəziyyətə güc tətbiq etməklə müdaxilə variantı istisna oluna bilməz.
Onun sözlərini CNN sitat gətirir.

"Birləşmiş Ştatlar hazırda əsasən müdafiə mövqeyindədir, lakin hansısa məqamda hücum strategiyasına keçmək lazım gələ bilər. Bununla belə, belə qərarlar prezident, onun komandası və Pentaqon tərəfindən qəbul edilməlidir", - Tun deyib.
Onun sözlərinə görə, o, müdafiə məsələlərində “prezident Trampın əl-qolunu bağlamaq” istəmir.

Bundan əvvəl Donald Tramp mətbuat konfransı zamanı Vaşinqtonun hansı şəraitdə Tehranla müharibəyə girə biləcəyini söyləməkdən imtina edib.


CNN-in məlumatına görə, ABŞ prezidenti Amerika ordusunun İranla münaqişəyə girməsindən qorxur, çünki bu, seçicilərin Trampa münasibətinə təsir edə bilər. Jurnalistlər qeyd edirlər ki, eyni zamanda o, respublikaçılar arasında “qırmızılar” tərəfindən təzyiq altındadır.

aia.az
Tərcümə şöbəsi

• Münaqişə
• Müdaxilə
• İsrail
• İran
• Senator Tun