İranlılar Tehranı kütləvi şəkildə tərk etməyə başlayıblar.
Bizim.Media xəbər verir ki, bu barədə "The Guardian" qəzeti yazıb.
Mənbə qeyd edir ki, Yaxın Şərqdə İran və İsrail arasında alovlanan müharibə təhlükəsi İranın paytaxtında böyük çaxnaşmaya səbəb olub.
Tehran şəhərindən çıxan magistrallarda on kilometrlərlə uzanan avtomobil tıxacları yaranıb. İnsanlar şəxsi avtomobilləri ilə ailələrini təhlükəsiz yerlərə aparmağa çalışır.
Tehrandan kütləvi çıxış beynəlxalq və regional liderlərin çağırışlarından sonra daha da sürətlənib. ABŞ prezidenti Donald Tramp sosial mediada etdiyi paylaşımda "iranlıları dərhal Tehrandan təxliyə olunmağa" çağırıb.
O, bildirib ki, növbəti mərhələdə paytaxtda hərbi obyektlərə və ətraf ərazilərə böyük zərbələrin endirilməsi mümkündür.
Eyni çağırış İsrail rəsmiləri tərəfindən də səsləndirilib. Təl-Əviv tərəfi də Tehranda yaşayan mülki əhalini mümkün qədər tez şəhəri tərk etməyə və sığınacaqlara üz tutmağa çağırıb.
Sosial mediada yayılan görüntülərdə ailələr, uşaqlı qadınlar və yaşlı insanlar avtomobillərlə, bəzi hallarda isə piyada şəkildə şəhərdən çıxmağa çalışır. Benzin doldurma məntəqələrində növbələr uzanır, ərzaq mağazalarında isə gərginlik yaşanır. İnsanlar tezliklə münaqişənin paytaxtı birbaşa hədəf alacağına inanır.
Tehranın bəzi bölgələrində artıq müvəqqəti sığınacaqlar və humanitar dəstək mərkəzləri yaradılıb.
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
