Finss.az xəbər verir ki, Neft qiymətləri əvvəlki sessiyanın sonundakı enişdən sonra çərşənbə axşamı səhər yüksəlir.
Londonun ICE Futures birjasında Brent markalı avqust fyuçerslərinin dəyəri Moskva vaxtı ilə saat 8:10-a olan vəziyyətə görə 0,5 dollar (0,68%) artaraq bir barel üçün 73,73 dollar təşkil edib. Bazar ertəsi bu müqavilələr 1 dollar (1,35%) azalaraq 73,23 dollar/barelə düşüb.
Nyu-York əmtəə birjasında (NYMEX) elektron hərraclarda iyul ayı üçün WTI neftinin fyuçerslərinin qiyməti bu vaxta qədər 0,46 dollar (0,64%) artaraq bir barelə görə 72,23 dollar təşkil edib. Əvvəlki sessiyanın sonunda bu kontraktların dəyəri 1,21 dollar (1,66%) azalaraq 71,77 dollar/barel təşkil edib.
