Bizimyol portalından verilən məlumata görə, ain.az xəbər yayır.
İsrail Müdafiə Qüvvələri (İMQ) ötən gecə İrana endirdiyi zərbələr zamanı İran Silahlı Qüvvələrinin Mərkəzi Qərargahının (Xatəmül-Ənbiya Hava Hücumundan Müdafiə Qüvvələrinin qərargahı) rəisi, İran İnqilabı Keşikçiləri Korpusu generalı Əli Şadmanini öldürüb.
Bizimyol.info xəbər verir ki, bu barədə İMQ-nin mətbuat xidməti məlumat yayıb.
“İsrail Müdafiə Qüvvələri İran rejiminin yüksək rütbəli hərbi komandirini öldürüb. Dəqiq kəşfiyyat məlumatları aldıqdan sonra İsrail Hərbi Hava Qüvvələrinə məxsus qırıcı təyyarələr bir gecədə Tehranın mərkəzində yerləşən qərargaha hücum edərək hərbi qərargah rəisi, ən yüksək rütbəli hərbi komandir və İran lideri Əli Xamneyinin ən yaxın adamı Əli Şadmanini öldürüblər”, - deyə məlumatda bildirilir.
Mətbuat xidməti qeyd edib ki, Şadmani “Hərbi Qərargah rəisi və Silahlı Qüvvələrin Fövqəladə Hallar Komandanlığı vəzifəsini tutub”, həmçinin “İslam İnqilabı Keşikçiləri Korpusuna və İran ordusuna komandanlıq edib”. “Onun tabeliyində olan Xatəmül-Ənbiya Fövqəladə Komandanlığı döyüş əməliyyatlarını idarə etmək və İranın atəş planlarını təsdiqləmək üçün məsuliyyət daşıyıb. O, müxtəlif funksiyaları yerinə yetirərkən İranın İsrail dövlətinə zərbə endirmək planlarına birbaşa təsir göstərib”, - deyə İsrail ordusu əlavə edib.
İMQ-nin mətbuat xidməti: "Əvvəllər yüksəlişdən sonra İran silahlı qüvvələrinin komandanı təyin edilmiş Qulam Əli Rəşid İsrail əməliyyatının ilk zərbəsi zamanı məhv edilib. Sələfinin öldürülməsinə qədər Şadmani Xatəmül-Ənbiya Fövqəladə Hallar Komandanlığı komandirinin müavini və Silahlı Qüvvələrin Baş Qərargahının əməliyyat idarəsinin rəisi vəzifələrində çalışıb”, - deyə qeyd edib.
"Şadmaninin öldürülməsi İranın ali hərbi komandanlığının bir sıra sui-qəsdlərinin davamı idi və İran silahlı qüvvələrinin komandanlıq zəncirinə növbəti zərbə oldu", - deyə İsrail ordusunun mətbuat xidməti bildirib.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
