ain.az, Cebheinfo portalından verilən məlumatlara əsaslanaraq xəbər verir.
“İsrail İrana qarşı yeni əməliyyat hazırlayıb. Bu, elə bir əməliyyatdır ki, 2024-cü ildə Livanda “Hizbullah” üzvlərinin peycerlərinin kütləvi şəkildə partladılmasını onun yanında çox sadə görünəcək”.
“Cebheinfo.az” xəbər verir ki, bunu İsrailin ABŞ-dəki səfiri Yehiel Layter Amerikanın "Merit Street" telekanalına deyib.
"Biz bir neçə sürpriz hazırlamışıq. Toz-duman çökəndə, cümə axşamı, cümə günü peycerlərlə əməliyyatı demək olar ki, sadə göstərəcək bir neçə sürpriz görəcəksiniz", - deyə səfir bildirib.
2024-cü il sentyabrın 17 və 18-də Livanın müxtəlif yerlərində rabitə cihazlarında, əsasən peycer və radiolarda çoxsaylı partlayışlar baş verib. Məlumata görə, 37 nəfər həlak olub, 3000-dən çox insan yaralanıb.
“Hizbullah” partlayışların təşkilində İsraili günahlandırıb. Daha sonra İsrail rəhbərliyinin nümayəndələri əməliyyatın ölkənin xüsusi xidmət orqanları tərəfindən təşkil edildiyini təsdiqləyiblər.
Xəzər
“Cebehinfo.az”
Daha ətraflı məlumat və yeniliklər üçün ain.az saytını izləyin.
