ABŞ Prezidenti Donald Tramp Fransa Prezidenti Emmanuel Makronun onun Kanadadakı G7 Zirvəsindən İsrail və İran arasında atəşkəs üzərində işləmək üçün erkən ayrıldığı yönündəki açıqlamasına sərt reaksiya verib.
Tramp Truth Social platformasında yayımladığı açıqlamasında belə deyib: “Reklam dalınca qaçan Fransa Prezidenti Emmanuel Makron, mənim Kanada G7 Zirvəsindən ayrılaraq Vaşinqtona İsrail ilə İran arasında atəşkəs üzərində işləmək üçün döndüyümü söyləyib. Yanlış!”
Tramp Makronun onun niyə Vaşinqtona qayıtdığı barədə ən kiçik bir anlayışının belə olmadığını deyərək, zirvədən erkən ayrılmasının atəşkəslə heç bir əlaqəsinin olmadığını, əsas səbəbin isə bunun daha böyük bir məsələ olduğunu bildirib.
Tramp “İstər qəsdən, istərsə də bilmədən olsun – Emmanuel hər zaman səhv edir” deyə əlavə edib.
Digər tərəfdən, Makron G7 Zirvəsində jurnalistlərə verdiyi açıqlamada ABŞ Prezidentinin İsrail və İran arasında atəşkəslə bağlı təklif irəli sürdüyünü bildirmişdi.
Makron “Həqiqətən də bir araya gəlib görüşmək təklifi var. Xüsusilə atəşkəsin əldə olunması və daha genişmiqyaslı danışıqların başlaması üçün bir təklif irəli sürülüb” demişdi.
