Nurlan İsmayılbəyli: “38 min müəllimin əməkhaqqına 10 faiz artım əlavə edilib”

“Ölkədə 65 minə yaxın müəllim artıq sertifikasiya prosesinə cəlb olunub. 17 mindən artıq müəllim əməkhaqqını 35 faiz artımla alır”.

Bizim.Media xəbər verir ki, bunu Məktəbəqədər və Ümumi Təhsil üzrə Dövlət Agentliyinin (MÜTDA) Ümumi təhsilin təşkili şöbəsinin müdir müavini Nurlan İsmayılbəyli media nümayəndələri üçün keçirilən brifinqdə deyib.

O bildirib ki, 38 mindən artıq müəllimin isə əməkhaqqına 10 faiz artım əlavə olunub:

"Sertifikasiyaya qədər Azərbaycan dilini tədris edən müəllimlərin ortalama əməkhaqqı 840 manat idisə, indi onların əməkhaqlarında nəticələrə görə artımlar əlavələr edilib. 50 baldan çox bal toplayanların ortalama maaşı 1355 manat, 30-dan yüksək bal toplayanların isə ortalama maaşı 1071 manatdır".

Günay Şahmar, Pərviz Allahverdiyev, Bizim.Media

• Müəllim
• Sertifikasiya
• Artım
• Əməkhaqqı