İranın iyunun 13-də başlayan raket zərbələri nəticəsində İsraildə 24 nəfər ölüb, 640-dan çox adam yaralanıb.
"Operativ Məlumat Mərkəzi-OMM" TASS-a istinadən xəbər verir ki, bunu İsrail baş nazirinin ofisinin müşaviri Dmitri Gendelman deyib.
"Mülki əhali arasında itkilər var. 24 nəfər həlak olub, 647-dən çox insan yaralanıb", - məlumatda deyilir.
Xəsarət alanlardan 10 nəfərin vəziyyəti ağır, 37 nəfərin vəziyyəti orta ağır, 600 nəfərdən çoxunun isə yüngül xəsarət aldığı bildirilir.
O qeyd edib ki, İran İsraillə doğru 400-dən çox raket atıb.
Mərmi atışlarından sonra raketlərin və ya onların hissələrinin təxminən 35 fərqli yerə düşdüyü qeydə alınıb.
