Azərbaycanın Qarabağ və Şərqi Zəngəzur iqtisadi rayonlarında 2025-ci ilin iyun ayının əvvəlinə olan məlumata əsasən, təxminən 50 min nəfər yaşayır.
Bizim.Media xəbər verir ki, bu barədə informasiyanı Dövlət Statistika Komitəsi yayıb.
Məlumata görə, “Böyük Qayıdış” dövlət proqramı çərçivəsində bu günə qədər 3 721 ailə (14 843 nəfər) doğma yurdlarına qayıdıb.
Bundan əlavə, işğaldan azad olunmuş ərazilərdə yenidənqurma və digər peşə fəaliyyətləri ilə əlaqədar müvəqqəti yaşayan şəxslərin sayı 32 216 nəfər təşkil edir.
Qeyd olunur ki, Xankəndi şəhərində yerləşən Qarabağ Universitetində təhsil alan 1 150 tələbə də nəzərə alınmaqla, azad edilmiş ərazilərdə yaşayan ümumi əhalinin sayı 48 209 nəfər olub.
Bu statistika Azərbaycanın işğaldan azad edilmiş ərazilərin dirçəldilməsi və məskunlaşdırılması sahəsində sürətli irəliləyişini, xüsusilə Böyük Qayıdış proqramının uğurla həyata keçirildiyini göstərir. Əhalinin artması infrastrukturun genişlənməsi, təhlükəsizlik tədbirlərinin gücləndirilməsi və sosial xidmətlərin təşkili baxımından da yeni mərhələyə keçidi tələb edir.
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
