İtaliyanın müdafiə sənayesi şirkəti “Leonardo”-nun baş direktoru Roberto Cingolani və Türkiyənin müdafiə sənayesi şirkəti “Baykar”ın İdarə Heyətinin sədri Səlcuq Bayraktar Fransada keçirilən 55-ci Paris Hava Sərgisində yeni nəsil pilotsuz uçuş aparatları (PUA) sistemlərini inkişaf etdirəcək və istehsal edəcək müştərək müəssisə qurmaq üçün müqavilə imzalayıblar.
Türkiyənin “Anadolu” xəbər agentliyi xəbər verir ki, NATO və Avropanın PUA sahəsində əhəmiyyətli boşluq var və şirkətlər bu ilin sonuna qədər İtaliya Hərbi Dəniz Qüvvələrinin təyyarədaşıyan gəmisində istismarı üçün mövcud sistemləri inteqrasiya etmək niyyətindədirlər.
Aparatların istehsalı İtaliyanın dörd bölgəsində yerləşəcək, məhsullar daxili tələbatla yanaşı, ciddi qıtlıq yaşayan Avropa bazarında da satılacaq.
"Düşünürəm ki, Avropa və Türkiyə daha güclü ittifaqlar yaratmalıdır. Xüsusilə də yeni texnologiyalar sahəsində. Əks halda, NATO bir böyük və bir kiçik ayaqlı masa şəklini alacaq və bu təhlükəsiz deyil. Biz bir-birimizə daha çox etibar etməliyik" - Roberto Cingolani deyib.
Bu, siyasətdə deyil, texnologiya sahəsində mühüm addımdır: bu, bazar ehtiyaclarından və xərclərdən asılı olacaq bir vəziyyətdir və gələcək sinerji üçün heç bir məhdudiyyət yoxdur, lakin uzun müddət üçün bir qayğıdır, - İtalyan şirkətinin baş direktoru əlavə edib.
"Xüsusən də texnologiya sahəsində qlobal təhlükəsizliyə gəldikdə, bir ittifaq yaratmaq daha yaxşıdır. Tərəfdaşlıq qurmaq, maraqların və məqsədlərin üst-üstə düşdüyünə əmin olmaq həmişə daha yaxşıdır. Artıq əməkdaşlığımız var və buna sevinirik" - Selçuk Bayraktar vurğulayıb.
Komandalar kosmos da daxil olmaqla bir çox sahədə əməkdaşlığı inkişaf etdirməyi planlaşdırır, Bayraktar əlavə edib.
Şirkət rəhbərləri əlavə ediblər ki, ilkin olaraq iş artıq sınaqdan keçmiş və özünü təsdiq etmiş “Bayraktar TB3” və “Akıncı” platformalarında aparılacaq.
Almaz Həsənli
