ain.az, Qaynarinfo portalına istinadən məlumat yayır.
Çin Xalq Respublikasının Sədri Si Szinpin hesab edir ki, ABŞ-ın qlobal geosiyasi vəziyyətə təsiri getdikcə zəifləyir.
Qaynarinfo xəbər verir ki, bu barədə onun "X" sosial şəbəkəsində yayımladığı bəyanatda qeyd olunub.
"Dünya Birləşmiş Ştatlar olmadan da yoluna davam edə bilər", deyə Si Szinpin vurğulayıb.
Çin lideri xatırladıb ki, cəmi 100 il əvvəl Britaniya imperiyası qlobal ticarətdə dominant mövqe tuturdu və dünya sərvətinin 20 faizindən çoxuna sahib idi. O əlavə edib ki, 200 il əvvəl Fransa Avropa səhnəsində əsas rol oynayırdı və onun ordusu düşmənlərə qorxu salırdı.
"400 il əvvəl isə İspaniya tacı Maniladan Meksikayadək hökmranlıq edirdi, onun xəzinələri gümüş və ipəkdən əyilirdi. Krallar öz şöhrətlərinin əbədi olacağını düşünürdülər", deyə Si Szinpin əlavə edib.
Onun sözlərinə görə, bütün bu keçmiş uğurlara baxmayaraq, bu imperiyaların hər biri zamanla arxa planda qalıb. O bildirib ki, onların hakimiyyəti zəifləyib və təsir dairəsi dəyişməyə başlayıb.
Çin rəhbəri əlavə edib ki, əgər ABŞ dünya ictimaiyyətinin hörmətini itirsə, anlayacaq ki, dünya həmişə yoluna davam edir.
Aydın
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
