Kədər, qorxu, qəzəb - bunlar ABŞ Prezidenti Trump-ın təxliyə xəbərdarlığından sonra söhbətləşdiyim tehranlıların paylaşdığı hisslərdir.
Xəbərlər gəlir ki, paytaxtdan kənara aparan yollar hələ də tıxacdır. Bəziləri bu səhər tezdən oyandıqdan sonra təxliyə xəbərdarlığını görən kimi şəhəri tərk etdilər. Bəziləri isə bir gün öncə.
"Mən çıxmazdan əvvəl şəhər boş görünürdü. lakin bilirəm ki, hələ də gedəcək yeri olmayanlar insanlar hələ də Teranda evlərindədirlər", bir nəfər mənə deyir.
Hərçənd mən bilirəm ki, Tehrandan kənarda evi olanlar digərlərinə qalmaq təklif edir və maşını olmayanları aparmağı təklif edirlər, yenə də getmək hamı üçün seçim deyil.
Ailəsiylə qalmağa qərar verən dostlardan biri deyir: "Babam 90 yaşındadır və böyrəkləri imtina edib. Nənəm bu yaxınlarda dizindən əməliyyat olunub. Onlar uzun müddətli səyahət üçün yola çıxa bilməzlər". Bütün ailə qalır, çünki birdən yaşlılara kömək lazım ola bilər.
Dərmana, xəstəxanalara və poliklinikalara çatımlılıq Tehrandan uzaqlaşıb, əyalətlərə getdikcə daha da çətinləşir, beləliklə də təxliyə olunmaq hamı üçün seçim olmaqdan çıxır.
"Mənim qonşularımın çoxu gedib, lakin mən qalası oldum. Hara gedim? Mənim bütün həyatım Tehrandadır", qalmağı seçmiş bir dost mənə deyir.
"Əgər İslam Respublikası insanların həyatı üçün azacıq narahat olsaydı, bütün bu təxliyə xəbərdarlıqlarından sonra şəhəri köçürər, min cür çətinliklə şəhərdən çıxmağa çalışan kasıb insanları burda buraxmazdı".
İran rəsmiləri təxliyə xəbərdarlıqlarını "düşmənin psixoloji oyunu" adlandıraraq, paytaxt əhalisinin köçürülməsi ilə bağlı heç bir təxliyə əmri verməyib.
Şəhərin hər gün İsrail tərəfindən hücuma məruz qalmasına rəğmən, bəzi hakimiyyət tərəfdarları da eyni mesajı verərək, "Tehran təhlükəsizdir" deyirlər.
