Hər bir insane kimi Hollivudda böyük uğurlar qazanmış aktyorlar da səhv edə bilərlər. Hətta onlardan bəziləri ömrünün hir neçə ilini həbsxana barmaqlıqları arasında da keçirib.
Hafta.az olaraq bu məqalədə şöhrətdən başı gicəllənib həbsxanaya düşən ulduzlardan söz açacağıq.
Robert Dauni
Robert Dauni narkotik asılılığına görə bir çox problem yaşayıb. 1996-cı ildə o, qeyri-qanuni maddələr və tapança saxlama ittihamı ilə saxlanaraq üç il sınaq müddətinə azadlıqdan məhrum olunub. Ondan mütəmadi olaraq narkotik testlərindən keçmək tələb olunub, lakin aktyor bu tələblərə əməl etməyib və qonşusunun evinə qanunsuz girdiyi üçün yenidən həbs edilib. 1997-ci ildə o, dörd ayını Los Angeles County həbsxanasında keçirib.
Dauni həbsxanada keçirdiyi vaxtın çox ağır keçdiyini deyib. 2001-ci ildə daha bir həbs ona "Ally McBeal" serialındakı rolu bahasına başa gəlib. Lakin 2003-cü ilə qədər, həyat yoldaşı Susan Levine və dostu Mel Gibson'un köməyi ilə Robert öz asılılığını aradan qaldırıb. Gibson ona kino dünyasına qayıtmağa kömək edib.
Bu hadisələr aktyorun karyerasına xələl gətirməyib, əksinə dönüş nöqtəsi olub. Reabilitasiyadan sonra o, "Dəmir adam" filmində baş rolu oynayan dünya ulduzuna çevrilib və Marvel kainatının əsas personajlarından birinə çevrilib. Robert Dauninin "Şerlok Holms", "Bəxt əsgərləri" və "Oppenheimer" filmlərindəki rolları ona Oskar qazandırıb. Hazırda o, Hollivudun ən böyük layihələrində rol almağa davam edir.
Mark Uolberq
Sanki gəncliyində dava-dalaşa və narkotikə görə 25 dəfə polisə getməli olması yetərli deyilmiş kimi Mark Uolberq 1986-cı ildə 15 yaşında afro-amerikalı uşaqlara irqçilik edərək, onların üstünə kərpic atıb. 1988-ci ildə o, sərxoş halda iki vyetnamlıya hücum edib: onlardan birini huşunu itirənə qədər döyüb, digərini isə gözündən vurub. Bu cinayətlərə görə o, iki il həbs cəzasına məhkum edilsə də, Bostondakı islah müəssisəsində cəmi 45 gün keçirib.
Həbsxanada olarkən Uolberq həyatını dəyişməyə qərar verib. Sərbəst buraxıldıqdan sonra musiqi ilə məşğul olmağa başlayıb və 1990-cı illərin əvvəllərində Marki Mark və Funki Bunch qrupunun solisti olub. 1994-cü ildə Leonardo Di Kaprio ilə birlikdə “The Basketball Diaries” filmində rol alıb və “Boogie Nights” filmi ilə əsl şöhrət qazanıb. Daha sonra o, ən çox qazanan aktyorlardan birinə çevrilib.
Kifer Sazerland
Məşhur aktyor Donald Sazerlandın oğlu Kifer Sazerlend sərxoş halda avtomobil idarə etdiyi üçün dəfələrlə qanunu pozub. O, ilkin olaraq 1993-cü ildə sərxoş halda avtomobil idarə etməkdə təqsirli bilinib. 2004-cü ildə o, 5 il şərti cəzaya, 50 saat ictimai işlərə və alkoqol müalicəsi proqramına məhkum edilib. 2007-ci ildə Kifer, şam yeməyindən sonra səhv dönüş etdiyi üçün dayandırılıb və alkotester testindən keçə bilməyib. Nəticədə o, 48 sutka həbs cəzası alıb və 2008-ci il yanvarın 21-də azadlığa çıxıb.
Sazerland həbsxanada özünü nümunəvi aparıb. Polis məmuru Con Balian onun təvazökarlığını və şikayətçi olmadığını qeyd edib. O, həmçinin 5 il sınaq müddəti, 18 ay müalicə cəzasına məhkum edilib. Bu hallar aktyorun karyerasına mənfi təsir göstərməyib.
Həbsdən çıxandan sonra “Melanxoliya”, “Kira haradadır?” kimi filmlərdə rol alıb.
Kris Braun
Kris Braun bir neçə dəfə aqressiv davranışı ilə bağlı problemlər yaşayıb. 2009-cu ildə, o vaxtkı sevgilisi müğənni Rihannaya təcavüz etməkdə ittihamlanıb. Cinayəti boynuna alan Braun 5 il müddətinə azadlıqdan məhrum edilib. Ona ictimai xidmət və məişət zorakılığı proqramını tamamlamaq əmri verilib. 2014-cü ildə o, sınaq müddətini pozduğuna görə daha 131 sutka həbs cəzasına məhkum edilib.
Braun bir neçə reabilitasiya mərkəzində müalicə olunub. Ona bipolyar pozğunluq və travma sonrası stress pozğunluğu diaqnozu qoyulub. Həbsdə olduğu üçün ona Böyük Britaniya, Kanada və Avstraliyaya viza verilməyib ki, bu da onun turlarına mənfi təsir edib.
Bununla belə, Braun karyerasını davam etdirərək "F.A.M.E.", "Indigo" və "11:11" albomlarını buraxıb. Hazırda Los-Ancelesdə yaşayan Braun, yeni musiqi üzərində işləyir və öz geyim brendi olan Black Pyramid-i idarə edir.
Şon Penn
1987-ci ildə Şon Penn ehtiyatsız avtomobil idarə etdiyinə və aktyor Cefri Klayna hücum etdiyinə görə həbs olunub. O, bundan əvvəl 1985-ci ildə paparassilərə və 1986-cı ildə musiqiçi Devid Volinskiyə hücum etdiyinə görə şərti cəzaya məhkum edilib. Məhkəmə onu 60 sutka həbs edib. Həbsxanada o, seriyalı qatil Riçard Ramirez qaldığı kameraya yerləşdirilib. 2010-cu ildə ona başqa bir fotoqrafla döyüşmək üçün 300 saat ictimai xidmət və 36 saat qəzəbi idarə etmə təlimi keçməsi əmri verilib.
Həbs cəzası Şon Pennin karyerasına təsir etməyib. O, iki dəfə Oskar laureatı olub, Kann Film Festivalında Qızıl Qlobus və Palma budağı qazanıb.
Bundan əlavə, CORE Fondu vasitəsilə təbii fəlakətlərdən zərər çəkənlərə yardım göstərib. Bu, onun nüfuzunu qoruyub saxlamağa kömək edib.
Ceymi Uveylet
“Harri Potter” franşizasında Vinsent Krebb obrazını canlandıran Ceymi Uveylet 2011-ci ilin avqustunda Londonda baş verən iğtişaşlarda iştirak edib. O, əlində kokteyl içərkən və aptekdən oğurluqda iştirak edərkən videoya düşüb. Aktyor daha sonra oktyabrın 14-də həbs edilib və evindən narkotik tapılıb. 2012-ci il martın 20-də məhkəmə onu kütləvi iğtişaşlarda təqsirli bilib və iki il müddətinə azadlıqdan məhrum edib.
Hadisə Uveyletin aktyorluq karyerasını tamamilə məhv edib. Onun yeganə diqqətəlayiq rolu Harri Potter filmlərindəki Krebb rolu idi. O, filmin son hissəsində çəkilməyib və 2009-cu ildən sonra ona yeni rollar təklif olunmayıb.
