ain.az, Tribuna portalından verilən məlumatlara əsaslanaraq xəbər verir.
ABŞ prezidenti Donald Tramp ölkənin nüvə proqramını dayandırmaq üçün İrana qarşı müharibəyə başlaya bilər.
Tribunainfo.az xəbər verir ki, bunu ABŞ-ın vitse-prezidenti J.D.Vensin X mikrobloqunda yazdığı mesaj sübut edir. Onun sözlərinə görə, Tehran zənginləşdirmədən mülki nüvə enerjisinə sahib ola bilərdi, lakin uranı lazımi səviyyədən xeyli yüksək zənginləşdirməklə bundan imtina etdi: “Mən hələ də İranın uranı mülki məqsədlər üçün həddən artıq zənginləşdirməyə ehtiyacı olduğuna dair tək bir inandırıcı arqument görməmişəm. Mən hələ də İranın nüvə silahlarının yayılmaması ilə bağlı öhdəliklərini pozmaq hüququna malik olduğuna dair tək bir inandırıcı arqument görməmişəm”.
Vens deyir ki, Tramp öz qoşunlarını hərbçilərin və vətəndaşların müdafiəsinə yönəltməklə “böyük təmkin nümayiş etdirib”, lakin prezident indi qərar verə bilər ki, İranın zənginləşdirməsini dayandırmaq üçün əlavə tədbirlər görülməlidir: “Bu qərar, nəhayət, prezidentindir. Və təbii ki, insanlar son 25 illik axmaq xarici siyasətdən sonra xarici məsələlərlə bağlı narahat olmaqda haqlıdırlar. Amma düşünürəm ki, prezident bu məsələdə müəyyən etimad qazanıb. Və bunu yaxından görərək, sizi əmin edə bilərəm ki, o, yalnız Amerika xalqının məqsədlərinə çatmaq üçün Amerika ordusundan istifadə etməkdə maraqlıdır. O, nə edirsə etsin, yalnız bu məqsədə xidmət edir”.
Musavat.com
Ən son xəbərləri və yenilikləri almaq üçün ain.az saytını izləyin.
