İsrail-İran müharibəsi altıncı gününə qədəm qoyub. Sərhədin sıfır nöqtəsində qanunsuz keçidlərin qarşısının alınması üçün Türkiyə tərəfi təhlükəsizlik tədbirlərini gücləndirib. Milli Müdafiə naziri Yaşar Gülər ​​və komandanlıq bölgəyə gedib.

aia.az xəbər verir ki, bu barədə Türkiyə mətbuatı yazıb.

İranla 295 kilometr sərhədi olan Vandakı sərhəd xətti termal kameralarla gecə-gündüz izlənilir.

Hadisələr fonunda bu gün Milli Müdafiə naziri Yaşar Gülər ​​və Türkiyə Silahlı Qüvvələri Komandanlığı bölgəyə gedib.

Gülər ​​Baş Qərargah rəisi ordu generalı Metin Gürak, Quru Qoşunlarının komandanı ordu generalı Səlcuq Bayraktaroğlu və Hərbi Hava Qüvvələrinin komandanı general Ziya Camal Kadıoğlu ilə birlikdə Vana gedib.

Gülər ​​sərhəddə təhlükəsizlik tədbirlərinin artırıldığını bildirib: "Qonşumuz İranda baş verən son hadisələrlə əlaqədar sərhədlərimizdə təhlükəsizlik tədbirləri artırıldı".

aia.az

• Türkiyə
• Sərhəd
• Müdafiə Naziri
• Generallar
• İran