Kiyev məhkəməsi deputat Yevgeni Şevçenkonun həbs-qətimkan tədbirinin müddətini uzadıb. O, daha iki ay həbsdə qaldı.
Qaziler.az bildirir ki, bu barədə RBC-Ukraynaya Baş Prokurorluqdan məlumat verilib.
Kiyevin Peçersk rayon məhkəməsi qalmaqallı deputat Yevgeni Şevçenkonun həbs müddətini avqustun 14-dək uzadıb.Bu qərar iyunun 17-də keçirilən iclasda qəbul edilib.
Xatırladaq ki, 2024-cü ilin noyabrında Yevgeni Şevçenko dövlətə xəyanətdə ittiham olunub. Onu dəmir barmaqlıqlar arxasında 15 ilə qədər həbs gözləyir.
Hələ genişmiqyaslı işğaldan əvvəl Şevçenko rusiyayönlü mövqeyi ilə tanınırdı. O, qadağan olunmuş “112 Ukrayna” kanalının və Rusiyanın təbliğat televiziyası verilişlərinin tez-tez qonağı olub.
QAZİLER.AZ
