Ombudsmanların Beynəlxalq Simpoziumu çərçivəsində Azərbaycanın insan hüquqları üzrə müvəkkili (ombudsman) Səbinə Əliyeva və Türkiyənin baş ombudsmanı Mehmet Akarca arasında görüş keçirilib.
AZƏRTAC xəbər verir ki, görüşdə iki ölkənin ombudsman təsisatları arasında insan hüquq və azadlıqlarının müdafiəsi istiqamətində mövcud olan sıx əməkdaşlıq əlaqələrindən məmnunluq ifadə edilib, gələcək əməkdaşlığın perspektivləri barədə ətraflı fikir mübadiləsi aparılıb.
