ABŞ Fordodakı nüvə obyektinə zərbə endirməkdən imtina edərsə, İsrail İranın bu obyektinə öz xüsusi təyinatlılarını göndərə bilər.
Bu barədə "Axios" məlumat yayıb.
Nəşrin məlumatına görə, İsrail rəsmiləri ABŞ Prezidenti Donald Trampın zərbənin lehinə qərar verəcəyinə inanırlar. Eyni zamanda, onlar təkbaşına belə Fordodakı obyektə ciddi ziyan vura biləcəklərini iddia edirlər.
Söhbət onu hava hücumlarından qorumaq üçün dağda yerləşən uranın zənginləşdirilməsi üzrə yeraltı zavoddan gedir.
"Axios" qeyd edir ki, İsrailin Baş naziri Binyamin Netanyahu və Vaşinqtondakı səfir Yexiel Leyter son müsahibələrində İDF-nin hava hücumlarından başqa variantları olduğuna eyham vurub.
Onlardan biri, nəşrə görə, riskli xüsusi təyinatlı əməliyyatdır. Məlumata görə, İsrail xüsusi təyinatlıları belə bir əməliyyatı 2024-cü ilin sentyabrında daha kiçik miqyasda da olsa, artıq həyata keçiriblər. Xüsusilə, əsgərlər Suriyada yeraltı raket zavodunu ora partlayıcılar yerləşdirərək işə salaraq məhv ediblər.
Amerika rəsmisinin sözlərinə görə, israillilər Tramp administrasiyasına bildiriblər ki, bombalar dağa kifayət qədər dərinlikdə nüfuz etməsə də, onlar (israillilər - red.) bunu canlı qüvvə ilə birlikdə edə bilərlər.
Fordo İranın uranın zənginləşdirilməsi zavodudur. Bu barədə demək olar ki, bütün məlumatlar məxfidir, buna görə də onların əksəriyyəti İsrail və ya ABŞ mediasından ictimaiyyətə məlum olur. Zavod 80-90 metr dərinlikdə süxurun altında yerləşir. Tehrandan 150 km cənubda yerləşən Qum şəhəri yaxınlığında tikilib.
