ain.az, Azertag portalına istinadən məlumat yayır.
Bonn, 19 iyun, Pərvanə Qafarova, AZƏRTAC
Bu gün Bonnda keçirilən SB62 sessiyası çərçivəsində “ACE” Qalereyasında COP29 Prezidentliyinin Gənclər üzrə İqlim Nümayəndəsi (PYCC) komandası posterini təqdim edib.
AZƏRTAC xəbər verir ki, “ACE” Qalereyası dünyada həyata keçirilən yaradıcı və təsirli iqlim fəaliyyətlərini nümayiş etdirən güclü bir məkandır. Bu məkan təhsil, ictimai iştirakçılıq və səlahiyyətləndirmənin mənalı dəyişikliklərə təkan verməkdə oynadığı vacib rolu ön plana çəkir.
COP29 Prezidentliyinin Gənclər üzrə İqlim Nümayəndəsi (PYCC) komandasının təqdim etdiyi poster əsasən 2024-cü ildə həyata keçirilmiş fəaliyyətlərə və təşəbbüslərə dair düşüncə və məqamları əks etdirir.
Poster PYCC-nin gənclərin səslərinin gücləndirilməsi və iqlim fəaliyyətinin inklüziv, ədalətli və nəsillərarası olmasının təmin edilməsinə dair öhdəliyini nümayiş etdirir.
Daha ətraflı məlumat və yeniliklər üçün ain.az saytını izləyin.
