“Yuventus” rəhbərliyi Turin klubunun texniki tərəfdaşı “adidas” şirkəti ilə əməkdaşlığının müddətini uzadıb.
Arena.az bu barədə İtaliya klubunun rəsmi saytına istinadən məlumat verir.
“Qoca sinyora” 2015/2016-cı illər mövsümündən əməkdaşlığa başladığı alman şirkəti ilə daha 10 il müddətində əməkdaşlıq edəcək.
Yeni müqavilə cari müavilənin başa çatması ilə qüvvəyə minəcək və 2037-ci ilə qədər müddətdə qüvvədə olacaq.
Daha əvvəl mətbuatda, yeni əməkdaşlıq çərçivəsində “Yuventus”un 408 milyon avro məbləğində qazanc götürəcəyi haqda məlumat yayılmışdı.
