İran Silahlı Qüvvələri son günlər İsrail hədəflərinə bir neçə dəfə cavab raket zərbələri endirməklə Netanyahu rejiminə öz dərmanının dadını versə də, ekspertlər hesab edir ki, İran hələ də yeni nəsil raketlərdən istifadə etməyib.
Moderator.az xəbər verir ki, bunu İran rəhbərliyinə yaxın "Tasnim" agentliyi yazır.
"İsrail rejimi iyunun 13-də İrana qarşı əsassız işğalçı müharibəyə başlayıb. İranın nüvə, hərbi və yaşayış məntəqələrinə hava hücumları təşkil edib və nəticədə çoxlu yüksək səviyyəli hərbi komandirlər, nüvə alimləri və sadə vətəndaşlar şəhid olub. Bundan dərhal sonra İran hərbi qüvvələri əks-hücumlara başlayıb. Onlar İslam İnqilabı Keşikçiləri Korpusunun("SEPAH") Aerokosmik Qüvvələri “Doğru vəd III” əməliyyatı çərçivəsində iyunun 19-da daxil olmaqla etibarən İsrailə qarşı 13 dəfə cavab raket zərbələri endirib.
Hərbi ekspertlər İsrailin hava hücumundan müdafiə strategiyalarını puç edən İranın raket hücumlarının 10 əsas xüsusiyyətini sadalayıblar:
1. İran həm gecə, həm də gündüz zərbələri endirir. Zərbələrin vaxtının qeyri-müntəzəm olması səbəbindən İsrail rejimi yenidən təşkilatlanmaq iqtidarında deyil.
2. Aldatma əməliyyatları və real hücumların birləşməsi İsrailin hava hücumundan müdafiə sistemlərini çaşdırıb.
3. İran hücumlarda bir sıra müxtəlif silahlardan, o cümlədən ballistik raketlərdən və intiharçı pilotsuz təyyarələrdən istifadə edib.
4. İran raketlərinin "THAAD"-dan tutmuş "Dəmir Qübbə" və "Davud sapandı"na qədər bütün müasir hava hücumundan müdafiə sistemlərinə nüfuz etməsi sionistləri belə bir nəticəyə gətirib ki, onların təhlükəsizliyinə heç bir şey zəmanət verə bilməz.
5. İran tərəfindən fasilələrlə müxtəlif və gözlənilməz raketlər atılıb.
6. İran Silahlı Qüvvələri işğal olunmuş ərazilərdəki müxtəlif hədəfləri vurmağa davam edir, israilliləri təəccübləndirir.
7. İranın cavab zərbələri konkret ərazi ilə məhdudlaşmır və işğal olunmuş Fələstin ərazilərinin ən şimalından ən cənub nöqtələrinə qədər bütün bölgələri əhatə edir.
8. İranın müxtəlif yerləri, o cümlədən hərbi obyektləri, neft emalı zavodlarını və həyati vacib infrastrukturları vurmağa imkan verən hədəflərin məlumat bankı var.
9. İran Silahlı Qüvvələri dəfələrlə İsrailə xəbərdarlıq edib ki, artıq işğal olunmuş ərazilərdə heç bir yer təhlükəsiz deyil.
10. Nəzərə alsaq ki, İran indiyədək özünün uzaqmənzilli raketlərinin bir neçə yeni nəslini nümayiş etdirməyib, İsrail rejiminə davamlı sürprizlər yaymaq strategiyasının hələlik davam edəcəyi gözlənilir", - İran nəşri davamında belə yazır.
