Bu gün Macarıstanın paytaxtı Budapeştdə keçirilən cüdo üzrə dünya çempionatındaqarışıq komanda yarışları keçiriləcək.
QOL.az xəbər verir ki, Azərbaycan millisi də turnirdə qüvvəsini sınayacaq. Komandamız mübarizəyə 1/8 finaldan başlayacaq. Azərbaycan millisinin rəqibi Almaniya yığması olacaq.
Qarışıq komanda yarışında ümumilikdə 16 komanda iştirak edir.
Qeyd edək ki, bunadək fərdi yarışlarda Azərbaycan cüdoçuları Zelim Tçkayev (81 kq), Elcan Hacıyev (90 kq) və Zelim Kotsoyev (100 kq) bürünc medal qazanıblar.
