ain.az, Qaynarinfo saytına istinadən bildirir.
Müğənni Tacir Şahmalıoğlu Əməkdar artist Təyyar Bayramovun oğlu Kənanın ifasını tənqid edib. Sənətçi, Kənan Bayramovun ifasında "Bayatı Şiraz"ı süni adlandırıb:
"Xalq mənim ifama dəyər verir. Mənim "Bayatı şiraz"ım dövlət tərəfindən qorunur. 11 yaşımda oxumuşam, Qızıl Fondda saxlanılır. Onun oxuduğu "bayağı” "Bayatı-Şiraz”dan istifadə edilir, orijinal qalıb kənarda. Mənim əvəzolunmaz "Bayatı şiraz"ımı ört-basdır edir, bayağını qaldırırlar. Amma Təyyar Bayramovun oğlunun oxuduğu, kompüterlə düzəldilən bayağı versiya səsləndirilir. Bu, düzgün deyil”.
Məsələyə Əməkdar artist Təyyar Bayramovun da münasibətini öyrəndik. Xanəndə Qaynarinfo-ya açıqlamasında Tacir Şahmalıoğlunun ifasının heç vaxt yaddaşlardan silinməyəcəyini vurğulayıb:
"Tacir böyük sənətkardır, mənim də əziz qardaşımdır. O, "Bayatı-Şiraz”ı oxuyub, hamının da yaddaşında onun ifası qalıb. Bundan sonra onu 50-100 nəfər də oxusa, yenə də Tacir Şahmalıoğlunun ifası fərqlidir. Nə xoş halına ki, gənclər, yeniyetmələr onun ifasını təkrarlamaq istəyir. Burada pis heç nə yoxdur. Tacir müəllim tək "Bayatı-Şiraz” deyil, nəyi oxusa ifası möhtəşəmdir”.
Bahar Rüstəmli
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
