Klublararası dünya çempionatı davam edir.
Fanat.Az xəbər verir ki, ABŞ-də təşkil olunan yarışda bu gün 2-ci tura yekun vurulacaq.
"Yuventus" Mərakeşin "Vidad" kollektivi ilə üz-üzə gələcək. Görüş saat 20:00-da başlayacaq.
Ardınca "Real Madrid" Meksika təmsilçisi "Paçuka"nı sınağa çəkəcək.
Bundan başqa, saat 02:00-da "Zalsburq" (Avstriya) - "Əl-Hilal, 05:00-da isə "Mançester Siti" (İngiltərə) – "Əl-Əyn" (BƏƏ) görüşləri baş tutacaq.
Klublararası dünya çempionatı iyunun 15-də başlayıb və iyulun 13-dək davam edəcək. Turnirdə 32 komanda mübarizə aparır. Hər qrupdan iki ən güclü komanda pley-off mərhələsinə yüksələcək.
