"Kəpəz"in yay hazırlıq planı məlum olub.
QOL.az xəbər verir ki, komandanın baş məşqçisi Adil Şükürov klubun mətbuat xidmətinə müsahibəsində bu barədə məlumat verib.
O, hazırlıq üçün ölkə xaricinə yollanmayacaqlarını deyib: "İyun ayının 30-da komanda Gəncədə hazırlığa start verəcək. Klubun Məşq Mərkəzində ideal şərait var. Meydançaların, bazanın vəziyyəti orada məşq keçməyimiz üçün çox uyğundur. Fitnes zalı lazımı avadanlıqlarla təhciz olunub. Futbolçunun hərtərəfli hazırlaşması üçün müvafiq imkanlar var. 10 günlük ilk hazırlıq mərhələsini ikitərəfli oyunla başa vuracağıq".
O, hazırlıq müddtəində 5 yoxlama oyunu keçirəcəklərini də bildirib. Baş məşqçi rəqiblər haqqında qaşıdakı günlərdə məlumat veriləcəyini qeyd edib.
