Böyük Britaniyanın baş naziri Keir Starmer, Almaniya kansleri Fridrix Merz və Fransa prezidenti Emmanuel Makron Yaxın Şərqdəki son hadisələrlə bağlı telefon danışığı aparıblar. Liderlər görüşün yekunlarına dair birgə bəyanat yayıblar.
Birgə bəyanatda aşağıdakı bəyanatlar yer alıb: “Bu gün Yaxın Şərqdə baş verən son hadisələri müzakirə etdik. Biz regiondakı bütün ölkələr üçün sülh və sabitliyə sadiq olduğumuzu bir daha bəyan edirik. Biz İsrailin təhlükəsizliyini dəstəklədiyimizi bir daha təsdiqləyirik. Biz İranın heç vaxt nüvə silahına malik olmayacağı və bundan sonra regional təhlükəsizliyə təhdid etməyəcəyi barədə mövqeyimizi həmişə ardıcıl şəkildə bəyan etmişik”.
ABŞ-ın bu gün səhər saatlarında İranın Fordo, Natanz və İsfahandakı nüvə obyektlərinə hücumlar həyata keçirdiyini xatırladan bəyanatda, “Biz İranın nüvə silahına sahib olmasının qarşısını almaq məqsədimizi qoruyuruq. Nüvə proqramı ilə bağlı bütün narahatlıqları aradan qaldıracaq razılaşmaya nail olmaq üçün İranı nüvə danışıqlarında iştirak etməyə dəvət edirik. Biz bu məqsədə çatmaq üçün bütün tərəflərlə koordinasiyaya töhfə verməyə hazırıq”, – deyib.
Bəyanatda, “İranı regionda sabitliyi poza biləcək əlavə addımlar atmamağa çağırırıq. Gərginliyin azaldılması və münaqişənin daha da genişlənməsinin və yayılmasının qarşısını almaq üçün diplomatik səylərimizi davam etdirəcəyik”, – deyilir.
