Səudiyyə Ərəbistanının Əyləncə İşləri üzrə Baş İdarəsinin rəhbəri Turki əl-Şeyx “Bristol Siti” klubunu almaq imkanını nəzərdən keçirir.
Bu barədə “The Sun” nəşri məlumat yayıb.
Mənbənin məlumatına görə, hazırda kluba sahib olan Lansdaun ailəsi klubun satışını planlaşdırmasa da, Turki əl-Şeyx onlar üçün olduqca sərfəli təklif irəli sürə bilər. Daha əvvəl səudiyyəli promouter və biznesmenin maraqları “Milluoll” və “Sauthempton” klubları ilə bağlı olub.
Qeyd edək ki, “Bristol Siti” 2024/25 mövsümündə Çempionşipin əsas turnirində 6-cı yeri tutub. Premyer Liqada oynamaq hüququ uğrunda pley-off-un yarımfinal mərhələsində komanda “Şeffild Yunayted”ə iki oyunun nəticəsinə əsasən 0:6 hesabı ilə uduzub.
©Operativ Media
