İyunun 19-da "Kanadanın Son Nəsil" hərəkatının fəalı Monreal Gözəl Sənətlər Muzeyində Pablo Pikassonun "L'htare" (1901) əsərinin üzərinə çəhrayı boya tökərək vandalizm aktı törədib...
Poliqon xəbər verir ki, bu barədə “Monreal Gazette” nəşri məlumat yayıb.
Vandal öz hərəkətlərini dövlətin sənət əsərlərinin qorunmasına öz vətəndaşlarının ehtiyaclarından daha çox pul xərcləməsi ilə izah edib.
"İncəsənət yalnız insanlar yaşadıqları zaman çiçəklənir, onlar sağ qaldıqda deyil. Meşə yanğınlarının tüğyan etdiyi Manitobada kimin növbəti Pikassoya çevrilmək üçün indi vaxtı və enerjisi var?", fəal bildirib.
Gənc saxlanılsa da, sonradan mühakimə olunana qədər sərbəst buraxılıb. Muzey nümayəndələri əmin ediblər ki, tablo şüşə ilə qorunduğu üçün zədələnməyib.
Poliqon.info
