Oxu.az portalından verilən məlumata əsasən, ain.az bildirir.
"Türkdilli dövlətlərin kredit bürolarının birgə əməkdaşlığı çərçivəsində yeni platforma yaradılıb. Bu platforma kredit bürolarının fəaliyyətinin təkmilləşdirilməsi, inkişaf etdirilməsi və qarşılıqlı təcrübə mübadiləsinin sürətləndirilməsini hədəfləyir".
Bu fikirləri Oxu.Az-a açıqlamasında Azərbaycan Banklar Assosiasiyasının (ABA) prezidenti Zakir Nuriyev deyib.
ABA rəhbəri qeyd edib ki, hazırda müzakirə olunan əsas məsələlərdən biri antifrod (dələduzluğa qarşı) tədbirlərinin genişləndirilməsidir:
"Bu kontekstdə kart oğurluqları, digər dələduzluq halları ilə mübarizə, əhalinin maarifləndirilməsi, texniki və informasiya təminatının gücləndirilməsi istiqamətində işlər aparılır".
"Antifrod dedikdə kartlardan oğurluq və digər dələduzluq əməliyyatlarının qarşısının alınması, bu istiqamətdə texniki həllərin, eləcə də əhalinin maarifləndirilməsi üzrə yeni yanaşmaların bank sektoruna və maliyyə iştirakçılarına çatdırılması nəzərdə tutulur", - deyə Zakir Nuriyev vurğulayıb.
Məhərrəm Əliyev
Ən son xəbərləri və yenilikləri almaq üçün ain.az saytını izləyin.
